“Manchester Yunayted” korporativ tadbirda mehmonlarga xom tovuq go‘shti taqdim etilganidan so‘ng, oziq-ovqat gigiyenasi bo‘yicha 5 balldan 1 ball oldi.

Bu haqda Daily Mail jurnalisti Mayk Kigan ijtimoiy tarmoqlarda yozdi. Qayd etilishicha, “Manchester Yunayted” o‘z oshxonasiga berilgan salbiy bahoga apellyasiya beradi.

Ayni vaqtda «Manchester Yunayted» Angliya Premyer-ligasi turnir jadvalida 7-o‘rinda bormoqda. O‘n yetti turda Erik ten Xag shogirdlari 28 ochko to‘plashdi.

Erik ten Xag jamoasi navbatdagi o‘yinni 23 dekabr, shanba kuni Londonda "Vest Xem"ga qarshi o‘tkazadi.