"Manchester Siti" yarim himoyachisi Rodri Ernandes klublar o‘rtasidagi jahon chempionati finalida braziliyalik "Fluminense"ga (4:0) qarshi o‘yinda olgan jarohati jiddiy emasligini va u Angliya Premyer-ligasining 19-turidan o‘rin olgan o‘yinda ishtirok etishi mumkinligini tasdiqladi.
“Ha. Bu meni xafa qildi, chunki bu juda og‘riqlik edi, lekin hech qanday jiddiy zarar ko‘rmadim", - deya Rodrining so‘zlarini keltiradi Sky Sports.
Joriy mavsumda ispaniyalik barcha turnirlarda 22 ta o‘yinda qatnashib, 4 ta gol urdi va jamoadoshlariga 6 ta golli uzatma berdi.
