Angliya chempionatining o‘n sakkizinchi turi "Byornli"ga omad keltirdi, Vensan Kompani shogirdlari "Fulxem" ustidan g‘alaba qozondi.
O‘yindan so‘ng belgiyalik mutaxassis o‘z jamoasi bunday muvaffaqiyatga anchadan beri loyiq bo‘lganini aytdi.
"G‘alabaga anchadan beri loyiq edik, deb o‘ylayman. Ajoyib jamoaviy o‘yin va barchamiz uchun ajoyib natija. Birinchi bo‘limda noxush lahzalar bo‘ldi, ko‘pincha to‘pni yo‘qotib qo‘ydik, ammo ikkinchi bo‘limda hammasi yaxshi bo‘ldi.
Uch ochko qo‘lga kiritildi, men xursandman", - deya Kompanining so‘zlarini keltiradi BBC Sport. Keyingi turda Kompani va uning jamoasi Liverpulda Yurgen Klopp shogirdlari bilan o‘ynaydi.
