"Manchester Yunayted" bosh murabbiyi Erik ten Xag "Nottingem Forest"ga qarshi APLning 20-turi doirasidagi safar o‘yini uchun kutilayotgan boshlang‘ich tarkib, shuningdek, jarohat olgan "mankunianliklar"ning bir qancha futbolchilarining safga qaytishi taxminiy muddatlari haqida gapirdi.

"Aston Villa"ga qarshi o‘yinda qanday tarkibda bo‘lsak, xuddi shunday bo‘ladi. O‘ylaymanki, ko‘plab futbolchilar yanvar o‘rtalarida safga qaytishini kutish mumkin. Maunt, Kazemiro, Lisandro Martines, Malasia va biz Garri Maguayrni kutmoqdamiz, albatta. Biz yanvar oyida ko‘plab o‘yinchilar safga qaytishini kutamiz", - dedi ten Xag "Manchester Yunayted" rasmiy saytiga.

26 dekabr kuni APLning 19-turi doirasidagi uy uchrashuvida "Manchester Yunayted" "Aston Villa" ustidan 3:2 hisobida irodali galabaga erishdi. "Qizil iblislar"ning o‘sha kuni asosiy tarkibi Onana, Van-Bissaka, Varan, Evans, Dalot, Maynu, Eriksen, Garnacho, Brunu Fernandesh, Reshford va Xyoylunddan iborat edi. 30 dekabr kuni Erik ten Xag shogirdlari Premyer-liganing 20-turi doirasida safarda "Nottingem Forest"ga qarshi bahs olib boradi.