Fransiyaning "PSJ" klubi qishki mavsumda dastlabki ikki transferini amalga oshirdi.

Jurnalist Fabrisio Romano xabariga ko‘ra, markaziy himoyachi Lukas Beraldo va himoyachi Gabriel Moskardo Parijda tibbiy ko‘rikdan muvaffaqiyatli o‘tib, klub bilan uzoq muddatli shartnoma imzolagan.

Xabar qilinishicha, kelishuv kelasi hafta rasman e’lon qilinadi.

Eslatib o‘tamiz, “PSJ” braziliyaliklarning har biri uchun 20 million yevro to‘lashi kerak. Moskardo uchun kurashda parijliklar jamoasi boshqa top-klublardan, jumladan, “Barselona” va “Chelsi”dan ham oldinda edi, ular “Korintians”ga kerakli miqdorda tovon puli to‘lashdan bosh tortdi.