Франциянинг "ПСЖ" клуби қишки мавсумда дастлабки икки трансферини амалга оширди.
Журналист Фабрицио Романо хабарига кўра, марказий ҳимоячи Лукас Беральдо ва ҳимоячи Габриэль Москардо Парижда тиббий кўрикдан муваффақиятли ўтиб, клуб билан узоқ муддатли шартнома имзолаган.
Хабар қилинишича, келишув келаси ҳафта расман эълон қилинади.
Эслатиб ўтамиз, “ПСЖ” бразилияликларнинг ҳар бири учун 20 миллион евро тўлаши керак. Москардо учун курашда парижликлар жамоаси бошқа топ-клублардан, жумладан, “Барселона” ва “Челси”дан ҳам олдинда эди, улар “Коринтианс”га керакли миқдорда товон пули тўлашдан бош тортди.
