“Manchester Siti” 2023-yilda Angliya Premyer-ligasida raqiblari darvozasiga eng ko‘p gol urgan jamoa bo‘ldi.
Shanba kuni "shaharliklar" o‘z maydonida "Sheffild Yunayted"ni Rodri va Xulian Alvaresning gollari evaziga mag‘lub etdi.
Squawka qayd etganidek, Pep Gvardiola jamoasi Premyer-ligada urilgan 95 gol bilan kalendar yilni yakunladi - chempionatdagi eng yaxshi natija.
"Manchester Siti" shuningdek, yil yakunida to‘plangan umumiy ochkolar (93) va g‘alabalar soni (29) bo‘yicha ham eng yaxshisi bo‘ldi.
Eslatib o‘tamiz, 2023 yil davomida “Manchester Siti” APL, Chempionlar ligasi, Angliya kubogi, Yevropa Superkubogi va klublar o‘rtasidagi jahon chempionatida g‘olib chiqishga muvaffaq bo‘lgandi.
