O‘tgan mavsumda "Barselona" Ispaniya chempioni bo‘ldi va mamlakat Superkubogini qo‘lga kiritdi. Bu yevrokuboklardagi muvaffaqiyatsizliklar va murabbiylar shtabining jamoa o‘yini uchun qilingan tanqidlarga soya soldi. Lekin faqat bir muddatga. Bu mavsumda muammolar yana o‘z o‘rniga qaytdi. Kataloniyaliklar guruhda 1-o‘rinda Chempionlar ligasi pley-off bosqichiga chiqishdi, ammo milliy chempionatda qiyinchiliklarga duch kelishmoqda.
Mavsumning birinchi yarmidan so‘ng "blaugrana" La Liga turnir jadvalida peshqadam "Jirona" va "Real Madrid"dan 7 ochkoga ortda qolib, atigi 4-o‘rinni egallab turibdi. Ta’tildan keyin natijalar yomon bo‘lsa, "Barselona" kuchli to‘rtlikdan tushib qolishi mumkin. Chempionlar ligasida esa kataloniyaliklarning o‘yini har doim ham ishonchli bo‘lmagan. Keling, klubning o‘yini pasayishi sabablarini tushunishga harakat qilaylik.
Himoyadagi muammolar
"Barselona" o‘tgan mavsumda himoyada juda yaxshi o‘yin ko‘rsatdi. Kataloniyaliklar Yevropada eng ko‘p o‘z darvozasi dahlsizligini saqlab qolishgan va La Ligada atigi 20 ta gol o‘tkazib yuborishgan. Darvozabon Mark-Andre ter Shtegen ham ajoyib mavsum o‘tkazdi. Ammo endi buni takrorlab bo‘lmaydi. Bu mavsumda jamoa tanaffusga qadar ham ko‘p gol o‘tkazib yubormoqda.
Muhim jihat yarim himoyadagi o‘zgarishlar. Serxio Busketsning ketishi jamoaga katta ta’sir ko‘rsatdi. Xavi o‘tgan mavsumda tajribali yarim himoyachidan himoyaga ham yordam berishni so‘ragan.
O‘tgan mavsumning ikkinchi yarmida Xavi Jyul Kunde, Ronald Arauxo, Andreas Kristensen va Alexandro Balde bilan o‘ynadi. O‘zgarishlar bo‘ldi masalan, Jordi Alba ulardan birini almashtirishi mumkin edi. Ammo bu mavsumda "ko‘k-anorranglilar" o‘zlarining avvalgi barqarorligiga ega emaslar. Joau Kanseluni ijaraga olishdi, u vaqti-vaqti bilan hujumga yordamberyapti.
Asosiy yulduzning pasayishi
Robert Levandovski o‘tgan mavsumda "Barselona"ning eng yaxshi o‘yinchilaridan biri edi. Ha, u klubga kelib qo‘shilganida 33 yoshda edi, ammo gollar kerak bo‘lgan jamoani kuchaytira oladigan elita futbolchisi bo‘lib qoldi. Polyak aynan shunday futbolchi bo‘lib, La Liganing eng yaxshi to‘purariga aylandi. Uning chempionatdagi hissasi juda katta edi. Biroq, bu mavsumda hammasi o‘zgardi, ammo Levandovski o‘z-o‘zidan yomon o‘ynashi mumkin emas. Bunday futbolchilar birdaniga darajasini yo‘qotmaydi. Bu yerda yana bir muammo bor.
Kataloniyaliklar o‘z jamoasidagi o‘yinchilaning saviyasini hisobga olsak, kerakli darajada ko‘p golli imkoniyatlar yaratmayapti. Levandovski muntazam ravishda oladigan imkoniyatlar evaziga katta muvaffaqiyatlarga erishdi. Jamoadagi ijodkorlik qurib qolganda, uning o‘zi ham o‘zi uchun imkoniyat topishi yoki yarim himoyaga qaytib, hujumlarni rivojlantirishi kerak.
Levandovskining statistikasi u qadar dahshatli emas u La Ligada 8 ta gol urdi va 4 ta golli uzatmaga ega. Robert Ispaniya chempionatining eng yaxshi to‘purarlari o‘ntaligiga kiradi, biroq u odatdagi darajasidan yiroq.
Kadrlar bilan bog‘liq muammolari
Kataloniyaliklarda futbolchilarning jarohatlari bilan bog‘liq keng ko‘lamli muammolar bor. Ter Shtegen, Gavi, Pedri, Levandovski, Balde, Kunde, Arauxo, Rafinya, Frenki de Yong va Inigo Martines mavsum davomida turli vaqtlarda jarohat olishdi. Bir paytlar “ko‘k-anorranglilar” oltita asosiy futbolchisiz qolib ketishdi. Zarar ko‘plab klublarni tashvishga solmoqda. Jumladan, Madridning “Real” klubi joriy mavsumda o‘z o‘yinchilarining jarohatlaridan aziyat chekyapti. Biroq, "Barselona"da "Real" kabi sifat va tajriba yo‘q.
O‘yinchilarning noto‘g‘ri tanlovi
So‘nggi transfer oynalari "Barselona" uchun qiyin bo‘ldi. Klub hali ham jiddiy moliyaviy muammolarni boshdan kechirmoqda. Prezident Joan Laportaning "tutqichlari" faqat so‘nggi 3 yil davomida kataloniyaliklarni qiynab kelayotgan moliyaviy stressni asta-sekin yumshatmoqda. Bunday cheklangan sharoitda raqobatbardosh jamoani shakllantirish oson emas. Oriol Romeu ancha kuchsiz. U Busketsga ishonchli o‘rinbosar bo‘lishi kerak edi.
Feliks boshidanoq yorqin porlashni ko‘rsatdi, ammo yana omadsizlikka uchrayapti. Kanseluning qobiliyatiga shubha qilib bo‘lmaydi, lekin u maydonda muntazam pozisiyaga ega emas. Inigo Martines rotasiyadagi yaxshi futbolchidan boshqa narsa emas.
