18 yoshli turkiyalik yarim himoyachi Arda Gyuler Ispaniya kubogi 1/16 finalida "Arandina" bilan o‘yindan so‘ng (3:1) "Real"dagi debyuti haqida fikr bildirdi, shuningdek, "qaymoqranglilar" bosh murabbiyining qo‘llab-quvvatlashi haqida gapirdi.
“Menda juda ko‘p yaxshi his-tuyg‘ular bor edi, chunki "Real Madrid" mening bolalikdagi orzum edi, men buni uzoq kutgandim va orzum amalga oshganidan juda xursandman.
Anchelotti mashg‘ulot paytida va undan keyin hamisha menga g‘amxo‘rlik qiladi, u ham menga katta ishonch bag‘ishlaydi va men bu ishonchni o‘z sa’y-harakatlarim orqali qaytarish uchun qo‘limdan kelganini qilaman", - deya Gyulerning so‘zlarini keltiradi Madrid Zone.
