18 ёшли туркиялик ярим ҳимоячи Aрда Гюлер Испания кубоги 1/16 финалида "Aрандина" билан ўйиндан сўнг (3:1) "Реал"даги дебюти ҳақида фикр билдирди, шунингдек, "қаймоқранглилар" бош мураббийининг қўллаб-қувватлаши ҳақида гапирди.
“Менда жуда кўп яхши ҳис-туйғулар бор эди, чунки "Реал Мадрид" менинг болаликдаги орзум эди, мен буни узоқ кутгандим ва орзум амалга ошганидан жуда хурсандман.
Aнчелотти машғулот пайтида ва ундан кейин ҳамиша менга ғамхўрлик қилади, у ҳам менга катта ишонч бағишлайди ва мен бу ишончни ўз саъй-ҳаракатларим орқали қайтариш учун қўлимдан келганини қиламан", - дея Гюлернинг сўзларини келтиради Madrid Zone.
