Frans Bekkenbauerning futbolchi va murabbiy sifatida jiddiy yutuqlarga erishgan. Shuningdek, Kayzer Frans muvaffaqiyatli rahbar hamda falsafiy iboralari bilan mashhur notiq ham bo‘lgan.

Undan bir qancha iqtiboslar keltiraman:

— Futbol — eng ahamiyatsiz narsalar orasidagi eng ahamiyatlisidir.

— Buyukligim? Tunda osmonga qarab borliq haqida o‘ylayman va Yer sharimiz milliardlab yulduzlar orasida qanchalik kichik ekanligini tasavvur qilaman. Siz esa mening buyukligim haqida gapiryapsizmi?

— Albatta, futbol olami hozir o‘zgargan, lekin unda hamon shaxsiyatlarga ko‘p narsa bog‘liq.

— Qimmat kashemirli kiyim kiysangiz ham bu sizning jentlmen bo‘lib qolganingizni anglatmaydi.

— Futbol hammani birlashtiruvchi universal muloqot vositasidir. Boy va kambag‘al, yoshu qari, muxlis va futbolchi, barcha tenglashadi hamda hursandchilikdan yayrab, qayg‘udan yig‘laydi.

Shuningdek, “penalti bu lotereya” degan iborani ham aynan Bekkenbauer birinchi bo‘lib ishlatgani haqida aytishadi.