Франц Беккенбауэрнинг футболчи ва мураббий сифатида жиддий ютуқларга эришган. Шунингдек, Кайзер Франц муваффақиятли раҳбар ҳамда фалсафий иборалари билан машҳур нотиқ ҳам бўлган.

Ундан бир қанча иқтибослар келтираман:

— Футбол — энг аҳамиятсиз нарсалар орасидаги энг аҳамиятлисидир.

— Буюклигим? Тунда осмонга қараб борлиқ ҳақида ўйлайман ва Ер шаримиз миллиардлаб юлдузлар орасида қанчалик кичик эканлигини тасаввур қиламан. Сиз эса менинг буюклигим ҳақида гапиряпсизми?

— Албатта, футбол олами ҳозир ўзгарган, лекин унда ҳамон шахсиятларга кўп нарса боғлиқ.

— Қиммат кашемирли кийим кийсангиз ҳам бу сизнинг жентльмен бўлиб қолганингизни англатмайди.

— Футбол ҳаммани бирлаштирувчи универсал мулоқот воситасидир. Бой ва камбағал, ёшу қари, мухлис ва футболчи, барча тенглашади ҳамда ҳурсандчиликдан яйраб, қайғудан йиғлайди.

Шунингдек, “пенальти бу лотерея” деган иборани ҳам айнан Беккенбауэр биринчи бўлиб ишлатгани ҳақида айтишади.