Madridning “Atletiko” klubi kecha, 8 yanvar kuni 78 yoshida olamdan o‘tgan germaniyalik sobiq futbolchi Frans Bekkenbauerning vafoti haqidagi xabarga munosabat bildirdi.
"Jahon futbolining buyuk afsonasi Frans Bekkenbauer bizni tark etdi. Butun sport oilasi uning vafoti og‘rig‘iga sherik bo‘lib, uning oilasi va yaqinlariga chuqur hamdardlik bildiradi. Bardam bo‘ling", - deyiladi "Atletiko"ning ijtimoiy tarmog‘idagi sahifasida.
Eslatib o‘tamiz, Bekkenbaeyer Germaniyaning "Bavariya" va "Gamburg" hamda Amerikaning "Nyu-York Kosmos" klublarida o‘ynagan. Bekkenbauer Germaniya terma jamoasi tarkibida ham bir marta jahon chempioni va Yevropa chempioni bo‘lgan.
