"Inter"ning sobiq hujumchisi Mario Balotelli "nerradzurrilar" hujumining amaldagi yetakchisi, argentinalik hujumchi Lautaro Martinesning iqtidorini yuqori baholaydi.
U Martinesning Italiya chempionatining eng yaxshi o‘yinchilaridan biri ekanligiga shubha qilmaydi.
"Lautaro A seriyaning eng yaxshi uchta o‘yinchisidan biri. Menga Osimxen Lautarodan ham ko‘proq yoqadi, ammo hozir "Napoli"dagi o‘yinlari emas.
"Inter"da Lautaro deyarli barqaror va yaxshi. Men Dibalani ham alohida aytgan bo‘lardim", - deya Mario Balotellining so‘zlarini keltiradi fcinter1908.it.
Eslatib o‘tamiz, Lautaro Martines Milan klubida 2018 yildan buyon o‘ynab kelmoqda.
