“Udineze” yarim himoyachi Lazar Samardjich bilan xayrlashishga shoshilmayapti.
Ayrim ma’lumotlarga ko‘ra, serbiyalik futbolchi yanvarda klubini o‘zgartirmoqchi. 21 yoshli yarim himoyachi uchun kurashda yetakchilar “Yuventus” va “Napoli” bo‘lib, ular allaqachon futbolchi bilan bog‘lanishgan, biroq “Udineze” bilan hech qanday kelishuvga erishmagan.
“Bizning ustuvor vazifamiz – Samardjichni tinchlantirish va uni keraksiz shovqinlardan himoya qilish uchun hamma narsani qilish.
Biz uni hozir to‘liq e’tiborini "Udineze"ga qaratishini istaymiz. Shu bilan birga, tan olishimiz mumkinki, unga bo‘lgan qiziqish juda katta, bu uning iste’dodini hisobga olgan holda ajablanarli emas.
OAVda yozilayotgan klublar ma’lumot olish uchun biz bilan bog‘lanishdi, ammo jiddiy hech narsa yuz bermayapti", - deya «Udineze» direktori Federiko Balzarettidan iqtibos keltiradi Football Italia.
