“Удинезе” ярим ҳимоячи Лазар Самарджич билан хайрлашишга шошилмаяпти.
Aйрим маълумотларга кўра, сербиялик футболчи январда клубини ўзгартирмоқчи. 21 ёшли ярим ҳимоячи учун курашда етакчилар “Ювентус” ва “Наполи” бўлиб, улар аллақачон футболчи билан боғланишган, бироқ “Удинезе” билан ҳеч қандай келишувга эришмаган.
“Бизнинг устувор вазифамиз – Самарджични тинчлантириш ва уни кераксиз шовқинлардан ҳимоя қилиш учун ҳамма нарсани қилиш.
Биз уни ҳозир тўлиқ эътиборини "Удинезе"га қаратишини истаймиз. Шу билан бирга, тан олишимиз мумкинки, унга бўлган қизиқиш жуда катта, бу унинг истеъдодини ҳисобга олган ҳолда ажабланарли эмас.
ОAВда ёзилаётган клублар маълумот олиш учун биз билан боғланишди, аммо жиддий ҳеч нарса юз бермаяпти", - дея «Удинезе» директори Федерико Балзареттидан иқтибос келтиради Football Italia.
