O‘zbekiston futbol assosiasiyasi birinchi vise-prezidenti Ravshan Ermatov hamda vise-prezident Odil Ahmedov Andijon viloyatida futbolni rivojlantirish, davlatimiz rahbari tomonidan imzolangan Qarorlar ijrosini ta’minlash borasida amalga oshirilayotgan ishlar bilan yaqindan tanishdi.
Andijon futbol akademiyasiga tashrif davomida o‘tkazilgan yig’ilishda Nasibullo Madrahimovga akademiyadagi faoliyati uchun minnatdorchilik bildirildi.
O‘zbekiston milliy terma jamoasining sobiq himoyachisi, taniqli futbolchi Shavkat Mullajonov Andijon futbol akademiyasining direktori etib tayinlandi.
Iste’dodli futbolchilarni tarbiyalash, ularga zamonaviy talablarga mos sharoitlar yaratish, terma jamoalarimizga nomzodlar yetishtirish kabi yuqori vazifalar belgilandi.