"Manchester Yunayted" hujumchisi Antoni Marsyal hali ham optimal formada emas.
Fransiyalik futbolchi dekabr oyi boshidan beri kasallik tufayli maydonga tushmayapti. Jurnalist Mett Xyuzning so‘zlariga ko‘ra, 28 yoshli futbolchi virusga chalinganidan beri jamoa bilan mashg‘ulot o‘tkazmagan.
Marsyaldan yakka tartibda mashg‘ulot o‘tkazish so‘ralgan, ammo haligacha formaga kira olmadi. Klubning fikricha, ayni damda Erik ten Xagning futbolchilarga qo‘yayotgan yuqori talablarini inobatga olgan holda, forvard umumiy guruhdagi mashg‘ulotlarning shiddati va sur’atiga bardosh bera olmayapti.
Antoni Marsyalning "Manchester Yunayted" bilan shartnomasi mavsum oxirida yakuniga yetadi. Ayrim ma’lumotlarga ko‘ra, klub shu oy hujumchini qo‘yib yuborishga tayyor.