"Brentford" bosh murabbiyi Tomas Frank hujumchi Ayvan Tonining diskvalifikasiya muddati tugagani haqida gapirdi.

Eslatib o‘tamiz, ingliz futbolchisi mavsumning birinchi qismini pul tikish qoidalarini buzgani uchun o‘tkazib yuborgandi.

Frankning so‘zlariga ko‘ra, 27 yoshli Toni futbol o‘ynashni juda xohlaydi va Angliya chempionatining 21-turidan o‘rin olgan "Nottingem Forest"ga qarshi o‘yinda sardorlik bog‘ichi bilan maydonga tushadi.

"U sakkiz yoshli bolaga o‘xshaydi, u shunchaki maydonga chiqib, futbol o‘ynashni xohlaydi. U ertaga asosiy tarkibda maydonga tushadi va sardor bo‘ladi", - deya Frank so‘zlarini keltiradi jurnalist Ben Jeykobs.

O‘tgan mavsumda Toni "Brentford" safida 35 ta o‘yinda maydonga tushib, 21 ta gol urdi va 5 ta golga assistentlik qildi.