Turinning "Yuventus" klubi o‘zining chap qanot himoyachisi Aleks Sandroning kelajagi borasida bir qarorga keldi, uning shartnomasi joriy mavsum oxirida yakuniga yetadi.
Jurnalist Nikolo Skiraning yozishicha, rahbariyat braziliyalik futbolchiga yangi shartnoma taklif qilmaydi va futbolchining erkin agent sifatida ketishiga ruxsat beradi.
Ayni damda himoyachi xizmatlariga Turkiya va Braziliya klublari qiziqish bildirmoqda. Shu oydan boshlab 32 yoshli futbolchiga yozda Aleksni tekinga olmoqchi bo‘lgan boshqa klublar bilan muzokara o‘tkazishga ruxsat berildi.
Eslatib o‘tamiz, Sandro deyarli 9 yildan beri Turinning “Yuventus” klubida o‘ynab kelmoqda. Bu davrda himoyachi jamoa bilan 5 marta Italiya chempionligini qo‘lga kiritgan, shuningdek, ular bilan Chempionlar ligasi finaliga qadar yetib borgan.
