“Napoli” hisobotdagi muammolar tufayli jarimaga tortilishi mumkin.
Avvalroq Rim prokuraturasi "Napoli" prezidenti Aurelio De Laurentisni yolg‘on buxgalteriya hisobotlarini taqdim etishda ayblanib, gumonlanuvchilar ro‘yxatiga kiritgani xabar qilingandi. Jarayon 2020 yilda Viktor Osimxenning "Lill"dan transferi bo‘yicha soxta kapital daromadi bilan bog‘liq.
La Repubblica nashrining xabar berishicha, klub rahbariga nisbatan tergov allaqachon yakunlangan, boshqa xodimlarga nisbatan esa tergov davom etmoqda.
Endi materiallar sudga topshirilishi mumkin. Agar hukm aybli deb topilsa, De Laurentis diskvalifikasiya qilinishi, "Napoli" jarimaga tortilishi mumkin. Eng yomon holatda, jamoadan ochkolar olib qo‘yilishi mumkin.
