“Наполи” ҳисоботдаги муаммолар туфайли жаримага тортилиши мумкин.
Аввалроқ Рим прокуратураси "Наполи" президенти Аурелио Де Лаурентисни ёлғон бухгалтерия ҳисоботларини тақдим этишда айбланиб, гумонланувчилар рўйхатига киритгани хабар қилинганди. Жараён 2020 йилда Виктор Осимхеннинг "Лилл"дан трансфери бўйича сохта капитал даромади билан боғлиқ.
La Repubblica нашрининг хабар беришича, клуб раҳбарига нисбатан тергов аллақачон якунланган, бошқа ходимларга нисбатан эса тергов давом этмоқда.
Энди материаллар судга топширилиши мумкин. Агар ҳукм айбли деб топилса, Де Лаурентис дисквалификация қилиниши, "Наполи" жаримага тортилиши мумкин. Энг ёмон ҳолатда, жамоадан очколар олиб қўйилиши мумкин.
