“Barselona” yarim himoyachisi Frenki de Yongning fikricha, “ko‘k-anorranglilar” raqiblaridan ortda qolishlariga qaramay, Ispaniya Primerasida g‘alaba uchun da’vogar.
"Biz yo‘qotmasligimiz kerak bo‘lgan ochkolarni yo‘qotdik va endi yaxshilanishimiz kerak, buni bilamiz. Bizda kerakli sifat bor, lekin ba’zida bizda kuch va konsentrasiya yetishmaydi.
La Ligadagi g‘alaba "Real" va "Jirona"ga ham bog‘liq. Ammo jamoamiz kuchayib borsa, qolgan o‘yinlarda ham g‘alaba qozonish imkoniyatiga ega bo‘lamiz. Biz hali ham La Ligada g‘alabaga da’vogarmiz", - deya de Yong so‘zlarini keltiradi Marca.
Eslatib o‘tamiz, Ispaniya Primerasining 19-turidan so‘ng “Barselona” 41 ochko jamg‘arib, peshqadam “Jirona” va “Real”dan 8 ochko ortda qolib, uchinchi o‘rinda bormoqda.
