"Real" "Man Siti"dan ijaraga olingan "Jirona" o‘ng qanot himoyachisi Yan Koutoga qiziqish bildirmoqda.
Marca nashri xabariga ko‘ra, Madrid hozirda himoyaning markaziy va chap qanotida o‘ynaydigan o‘yinchilarga ustuvor ahamiyat qaratmoqda, biroq boshqa qiziqarli futbolchilarga ham e’tibor qaratmoqda. Koutoning "Jirona"dagi o‘yinlari "Real Madrid" e’tiborini tortdi. Madridliklar u o‘n yil davomida bu pozisiyada o‘ynay olishiga ishonadi.
Hozircha "Real" oktyabr oyida Braziliya terma jamoasida debyut qilgan 21 yoshli futbolchi haqida faqat ma’lumot to‘plagan.
Kouto - "Real Madrid" ko‘z tikayotgan ko‘plab futbolchilardan biri. Madridliklar ro‘yxatidan Leni Yoro ("Lill"), Antoniu Silva ("Benfika") va Gonsalu Inasiu ("Sporting") ham bor.
"Real Madrid"ning asosiy o‘ng qanot himoyachisi Dani Karvaxal bilan shartnomasi 2025 yilgacha mo‘ljallangan. Lukas Vaskes bilan kelishuv hali uzaytirilmagan, ammo bu amalga oshishi kutilmoqda. Uning yangi shartnomasi bir yilga mo‘ljallangan bo‘ladi.
"Jirona" "Manchester Siti"dan Koutoni ijaraga oldi. Futbolchining ingliz klubi bilan shartnomasi 2025 yilning yoziga qadar mo‘ljallangan.
Joriy mavsumda Kouto “Jirona” safida 23 ta o‘yinda maydonga tushib, 2 ta gol va 5 ta golli uzatmani amalga oshirdi.