"Реал" "Ман Сити"дан ижарага олинган "Жирона" ўнг қанот ҳимоячиси Ян Коутога қизиқиш билдирмоқда.
Marca нашри хабарига кўра, Мадрид ҳозирда ҳимоянинг марказий ва чап қанотида ўйнайдиган ўйинчиларга устувор аҳамият қаратмоқда, бироқ бошқа қизиқарли футболчиларга ҳам эътибор қаратмоқда. Коутонинг "Жирона"даги ўйинлари "Реал Мадрид" эътиборини тортди. Мадридликлар у ўн йил давомида бу позицияда ўйнай олишига ишонади.
Ҳозирча "Реал" октябрь ойида Бразилия терма жамоасида дебют қилган 21 ёшли футболчи ҳақида фақат маълумот тўплаган.
Коуто - "Реал Мадрид" кўз тикаётган кўплаб футболчилардан бири. Мадридликлар рўйхатидан Лени Йоро ("Лилль"), Антониу Силва ("Бенфика") ва Гонсалу Инасиу ("Спортинг") ҳам бор.
"Реал Мадрид"нинг асосий ўнг қанот ҳимоячиси Дани Карвахаль билан шартномаси 2025 йилгача мўлжалланган. Лукас Васкес билан келишув ҳали узайтирилмаган, аммо бу амалга ошиши кутилмоқда. Унинг янги шартномаси бир йилга мўлжалланган бўлади.
"Жирона" "Манчестер Сити"дан Коутони ижарага олди. Футболчининг инглиз клуби билан шартномаси 2025 йилнинг ёзига қадар мўлжалланган.
Жорий мавсумда Коуто “Жирона” сафида 23 та ўйинда майдонга тушиб, 2 та гол ва 5 та голли узатмани амалга оширди.