Saudiyaning "An-Nasr" klubi va Portugaliya terma jamoasining 38 yoshli hujumchisi Krishtianu Ronaldu professional faoliyatini qachon yakunlashi haqidagi savolga aniq javob bera olmadi.
"Mavsum oxirida faoliyatimni yakunlashim mumkin yoki yana ikki-uch yil hozirgidek o‘ynay olishim mumkin. Rostini aytsam, hali bilmayman.
Boshim va tanam yaxshi ekan va futboldan zavqlanishda davom etsam, o‘ynashda davom etaman. Men endi foydali bo‘lolmasligimni his qilsam, men darhol bu vaziyatga mas’uliyat bilan javob beraman.
Ayni damda maydonga chiqqanimda o‘zimni ajoyib va baxtli his qilaman. Men eng yaxshi ko‘rgan ishim bilan shug‘ullanyapman", - dedi Ronaldu Record bilan suhbatda.
Eslatib o‘tamiz, Ronaldu 5 fevral kuni 39 yoshga to‘ladi. Futbolchining klub bilan amaldagi shartnomasi 2025 yilning yoziga qadar mo‘ljallangan. Joriy mavsumda portugaliyalik hujumchi 25 ta uchrashuvda ishtirok etib, 24 ta gol va 11 ta golli uzatmani amalga oshirdi.
