Avstraliya terma jamoasi bosh murabbiyi Grem Arnold Osiyo kubogi guruh bosqichi 3-turidan o‘rin olgan O‘zbekistonga qarshi o‘yin oldidan o‘z fikrlari bilan o‘rtoqlashdi.

"2019 yilgi Osiyo kubogida O‘zbekiston bilan to‘qnash kelib, penaltilar seriyasida g‘alaba qozongandik. O‘shandan buyon har ikki jamoa jiddiy o‘sishga erishdi. Ertangi o‘yinni esa intizorlik bilan kutamiz.

Guruhning dastlabki ikkita uchrashuvini Hindiston va Suriyaga qarshi o‘tkazdik. O‘zbekiston esa ularga nisbatan boshqacharoq o‘ynaydi. O‘zbek futbolini hurmat qilaman. Ular 20 yoshgacha bo‘lgan futbolchilar o‘rtasidagi Osiyo chempionatida g‘olib chiqishdi. O‘zbekistonning U23 terma jamoasi ham juda yaxshi.

Ular jahon va Osiyo reytingida ko‘tarilib borishmoqda. Shuningdek, O‘zbekiston davlat sifatida ham rivojlanmoqda. Biz uchun esa eng muhimi — o‘z rejamiz va taktikamizga asoslanib futbol o‘ynash. O‘yinchilar bahsga tayyor", — dedi Grem Arnold.