O‘zbekiston milliy terma jamoasi Osiyo kubogi guruh bosqichi 3-turi doirasida qiyin o‘yin o‘tkazdi. Kuchli raqiblarga qarshi bo‘lajak o‘yin oldidan bu yaxshi sparring bo‘ldi, ammo o‘yinda ba’zi yo‘qotishlar ta’bni xira qildi.

Birinchi bo‘lim so‘ngida hakam darvozamiz tomon adolatsiz penalti belgiladi. O‘sha vaziyatda Hamrobekov yerga yiqilayotganida to‘p Odilning qo‘liga tegdi, ammo buning oqibatida to‘pning yo‘nalishini o‘zgartirmagan, avstraliyaliklar hujumni davom ettirib, zarba yo‘llashga ham ulgurishgandi. Penaltini esa Martin Boyl golga aylantirdi.

Srechko Katanes ikkinchi bo‘limda qanot futbolchilari va hujum chizig‘iga o‘zgarishlar kiritdi. Tajribali Jaloliddin Masharipov chap qanotda bir himoyachini chalg‘itib, darvoza yaqiniga uzatma berdi. Turg‘unboyev esa baland sakragancha to‘pni darvozaga joylab, hisobni tenglashtirdi — 1:1.

Terma jamoamiz mazkur durang tufayli o‘z ochkolarini 5 taga yetkazdi hamda "B" guruhida 2-o‘rin bilan pley-offga chiqdi. Terma jamaoamiz nimchorak finalda "F" guruhida 2-o‘rinni egallagan jamoa bilan to‘qnash keladi. Bu ko‘p ehtimol bilan Tailand yoki O‘mon bo‘ladi.

Zaxiradan maydonga tushgan Igor Sergeev jarohat olgani biroz xavotirga soldi. Umid qilamiz, uning jarohati jiddiy bo‘lib chiqmaydi.

Osiyo kubogi. «B» guruhi, 3-tur
AVSTRALIYA - O‘ZBEKISTON - 1:1 (1:0)
Gollar: Martin Boyl (45+1-penalti) — Aziz Turg‘unboyev (78)
Ogohlantirishlar: Suttar (50), MakGri (70) — Umar Eshmurodov (25), Odil Hamrobekov (45), Otabek Shukurov (45+3) 
Avstraliya: Metyu Rayan, Nataniyel Atkinson (Lyuis Miller 90+3), Kye Rouls, Xarri Suttar, Aziz Bexich, Riley Makgri (Bruno Fornaroli 83), Kenu Bakkus (Ayden O'Nill 83), Jekson Irvin, Jordan Bos (Marko Tilio 90+3), Kusini Yengi, Martin Boyl (Konnor Metkalf 72)
O‘zbekiston: O‘tkir Yusupov, Zafarmurod Abdurahmatov, Abdulla Abdullayev, Umar Eshmurodov, Rustam Ashurmatov, Farruh Sayfiyev, Hojimat Erkinov (Aziz Turg‘unboyev 63), Odil Hamrobekov, Otabek Shukurov, Oston O‘runov (Jaloliddin Masharipov 46), Abbos Fayzullayev (Igor Sergeev 63; Jamshid Iskanderov 84)