“An-Nasr” klubi yulduzi Krishtianu Ronaldu jarohati sabab Xitoydagi ikkita o‘rtoqlik uchrashuvini bekor qildi.
38 yoshli forvardning jarohati mushaklar bilan bog‘liq va portugaliyalikning tiklanish vaqtini oldindan aytish oson emas.
Shu tariqa Ronaldu "An-Nasr" safida bir nechta o‘yinlarni o‘tkazib yuborish xavfi bor.
Jamoa 1 fevral kuni “Inter Mayami”ga, 8 fevral kuni esa “Al-Hilol”ga qarshi bahs olib boradi. Fevral oyining birinchi oqshomida muxlislar Krishtianu Ronaldu va Lionel Messi duyelini ko‘rishni kutishadi.
Biroq, endi yirik yulduzlar o‘rtasidagi bu qarama-qarshilik buzilish xavfi ostida.
