"Nyukasl" himoyachisi Kiran Trippyer so‘nggi paytlarda "Bavariya" e’tiborida bo‘ldi. Biroq myunxenliklar 33 yoshli angliyalikni klubi talablari tufayli sotib olmaydigan bo‘lishdi. Sky Germany nashri xabariga ko‘ra, "qarg‘alar" Trippyer uchun 25 million yevro talab qilishgan. Myunxenda bu miqdor juda yuqori deb hisoblangan.
Aytish joizki, Transfermarkt portali Kiran Trippyerni 11 million yevroga baholamoqda. Futbolchining "Sent Jeyms Park"dagi amaldagi shartnomasi 2025 yilning o‘rtalariga qadar tuzilgan.
Trippyer joriy mavsumda 28 ta o‘yinda 8 ta golli uzatmani amalga oshirdi.
