Londonning “Tottenxem” klubi yarim himoyachisi Jeyms Meddison safga qaytishga yaqin turibdi. Yarim himoyachi noyabr oyi boshidan beri maydonda o‘ynamadi.

"Shporlar" matbuot xizmati xabariga ko‘ra, 27 yoshli futbolchi jarohatidan to‘liq forig‘ bo‘lib, yanvar oyi oxirida bo‘lib o‘tadigan o‘yinlarda ishtirok etishi mumkin bo‘ladi.

Joriy mavsumda Meddison barcha turnirlarni hisobga olgan holda 12 ta o‘yinda maydonga tushib, 3 ta gol urdi va 6 ta golli uzatmani amalga oshirdi.