Angliya Liga kubogi yarim finalida "Fulxem" klubi "Liverpul"ga yutqazdi, ammo jamoaning portugaliyalik bosh murabbiyi Marku Silva "Fulxem" turnirda yaxshi o‘ynaganiga ishonch bildirmoqda.
"Ushbu turnirda qanday o‘ynaganimizdan faxrlanishimiz kerak. Biz juda kuchli raqiblarga qarshi kurashdik. Balki bugungi o‘yin biz uchun eng yaxshisi bo‘lmadi, hayajon ham, erta gol ham bo‘ldi. Umuman olganda, raqib haqli ravishda yaxshiroq edi. Lekin biz oxirigacha harakat qildik. Bu haqiqiy kubok bahsi edi. O‘tgan mavsumda biz Liga kubogida yomonroq o‘ynagandik. Biz o‘sib bormoqdamiz", - dedi Silva BBC Sport bilan suhbatda.
