Англия Лига кубоги ярим финалида "Фулхэм" клуби "Ливерпул"га ютқазди, аммо жамоанинг португалиялик бош мураббийи Марку Силва "Фулхэм" турнирда яхши ўйнаганига ишонч билдирмоқда.
"Ушбу турнирда қандай ўйнаганимиздан фахрланишимиз керак. Биз жуда кучли рақибларга қарши курашдик. Балки бугунги ўйин биз учун энг яхшиси бўлмади, ҳаяжон ҳам, эрта гол ҳам бўлди. Умуман олганда, рақиб ҳақли равишда яхшироқ эди. Лекин биз охиригача ҳаракат қилдик. Бу ҳақиқий кубок баҳси эди. Ўтган мавсумда биз Лига кубогида ёмонроқ ўйнагандик. Биз ўсиб бормоқдамиз", - деди Силва BBC Sport билан суҳбатда.
