"Chelsi" hujumchisi Kristofer Nkunku va himoyachi Malo Gyusto "aristokratlar"ning mashg‘ulotlariga qaytishdi. Bu haqda London klubi matbuot xizmati xabar berdi.
Eslatib o‘tamiz, Nkunku soni jarohati tufayli 31 dekabrdan beri maydonga tushmayapti. Bundan sal avvalroq, fransiyalik hujumkor futbolchi besh oy davomida son jarohatidan tuzalib ketgandi. Gyusto biroz keyinroq - 13 yanvar kuni Premyer-liga doirasidagi "Fulxem" bilan uy uchrashuvida (1:0) mushaklaridan jarohat oldi.
Joriy mavsumda Nkunku barcha turnirlarda "ko‘klar" safida to‘rtta to‘liqsiz o‘yin o‘tkazdi va bitta gol urdi. Gyusto o‘z navbatida 19 o‘yinda ishtirok etib, to‘rtta golli uzatmani amalga oshirdi.
