"Челси" ҳужумчиси Кристофер Нкунку ва ҳимоячи Мало Гюсто "аристократлар"нинг машғулотларига қайтишди. Бу ҳақда Лондон клуби матбуот хизмати хабар берди.
Эслатиб ўтамиз, Нкунку сони жароҳати туфайли 31 декабрдан бери майдонга тушмаяпти. Бундан сал аввалроқ, франциялик ҳужумкор футболчи беш ой давомида сон жароҳатидан тузалиб кетганди. Гюсто бироз кейинроқ - 13 январ куни Премьер-лига доирасидаги "Фулхэм" билан уй учрашувида (1:0) мушакларидан жароҳат олди.
Жорий мавсумда Нкунку барча турнирларда "кўклар" сафида тўртта тўлиқсиз ўйин ўтказди ва битта гол урди. Гюсто ўз навбатида 19 ўйинда иштирок этиб, тўртта голли узатмани амалга оширди.
