"Chelsi" bosh murabbiyi Maurisio Pochettino albaniyalik hujumchi Armando Broyaning "Tumanli Albion"dagi istiqbollari haqida gapirib o‘tdi.
“Broya ulkan salohiyatga ega, u ajoyib forvardga aylanishi mumkin. Men uni har doim "Leyton Oriyent" va "Norvich"ga ijaraga berilgan Xarri Keyn bilan solishtiraman. Keynga o‘zini topish uchun biroz vaqt kerak bo‘ldi. Keyin u "Tottenxem"da o‘ynay boshladi va biz uning haqiqiy salohiyati qanday ekanligini ko‘rdik", - deya Pochettinoning so‘zlaridan iqtibos keltirdi Fabrisio Romano.
Avvalroq OAVda 22 yoshli hujumchi shu oydayoq klubini o‘zgartirishi mumkinligi haqida xabarlar tarqalgan edi.