Roberto Martines Brunu Fernandeshning miyasi o‘yin vaqtida qanday ishlashi haqida gapirdi.
Portugaliya Yevro-2024 saralashida 10 ta o‘yindan 10 tasida g‘alaba qozongan. "Manchester Yunayted" yarim himoyachisi barcha o‘yinlarda maydonga tushib, 6 ta gol urdi va 8 ta golli uzatmani amalga oshirdi.
“Brunu yetakchilik fazilatlariga ega. Uchrashuvlar paytida uning miyasi juda faol ishlaydi, u doimo maydonda nima bo‘layotganini baholaydi. U o‘yinni juda yaxshi o‘qiydi va bir nechta pozisiyalarda o‘ynay oladi.
U ko‘p gol urdi va (saralash turnirida) juda muhim rol o‘ynadi. U to‘rt xil pozisiyada juda yuqori saviyada o‘ynadi, - dedi Portugaliya bosh murabbiyi Martines.
