Milanning “Inter” klubi bosh murabbiyi Simone Indzagi nega jamoasining asosiy futbolchilaridan birini maydonga tushirmaganiga izoh berdi. 26 yoshli futbolchi "Fiorentina"ga qarshi A Seriya o‘yinida qaydnomaga kiritilgan, ammo uni zaxira o‘rindig‘ida o‘tkazgan.
Italiyalik futbolchining chap qanotdagi o‘rnini Karlos Augusto egalladi. Uchrashuv “Inter”ning 1:0 hisobidagi g‘alabasi bilan yakunlandi.
“Men vaziyatni baholadim. Augusto asosiyda boshladi va qaysidir payt men Dimarkoga vaqt berish haqida o‘yladim, lekin "Fiorentina" jismonan kuchli o‘yinchilarni maydonga tushirdi. O‘yinning so‘nggi daqiqalari keskin o‘tishini bilardim. Dimarko ketma-ket ikki finalda (yarim final va Superkubok finalida) o‘ynadi, shuning uchun men shunday qarorga keldim”, dedi Indzagi matbuot anjumanida.
