Миланнинг “Интер” клуби бош мураббийи Симоне Индзаги нега жамоасининг асосий футболчиларидан бирини майдонга туширмаганига изоҳ берди. 26 ёшли футболчи "Фиорентина"га қарши А Серия ўйинида қайдномага киритилган, аммо уни захира ўриндиғида ўтказган.
Италиялик футболчининг чап қанотдаги ўрнини Карлос Аугусто эгаллади. Учрашув “Интер”нинг 1:0 ҳисобидаги ғалабаси билан якунланди.
“Мен вазиятни баҳоладим. Аугусто асосийда бошлади ва қайсидир пайт мен Димаркога вақт бериш ҳақида ўйладим, лекин "Фиорентина" жисмонан кучли ўйинчиларни майдонга туширди. Ўйиннинг сўнгги дақиқалари кескин ўтишини билардим. Димарко кетма-кет икки финалда (ярим финал ва Суперкубок финалида) ўйнади, шунинг учун мен шундай қарорга келдим”, деди Индзаги матбуот анжуманида.
