Madridning “Real” klubi yarim himoyachisi Jud Bellingem jamoadagi faoliyati haqida gapirdi. Angliyalik futbolchi o‘tgan yozda "Borussiya Dortmund"dan "Los Blankos" safiga qo‘shilgan edi.
“Men o‘zimni uydagidek his qilaman, bu yerda menga juda g‘amxo‘rlik qilishadi. "Real Madrid" eng buyuk klublardan biri ekanligini hamma biladi, lekin bu yerga kelganingda "Real" dunyodagi eng katta klub ekanligini tushunasan.
Jamoamizning menga eng yoqadigan jihati shundaki, hamma bir-biridan chin dildan xursand. Gol urganingizda, Ryudigerdan bir-ikki tarsaki olasiz, bu har doim quvonch va tabassum belgisidir", - deya Bellingem so‘zlarini keltiradi Madrid Zone.
