"Suonsi" klubining sobiq bolboychisi 2013 yilda Eden Azar bilan bo‘lgan voqea haqida gapirdi.
O‘sha yilning yanvar oyida "Chelsi"da o‘ynagan belgiyalik futbolchi to‘pni berishga shoshilmayotgan 17 yoshli Charli Morgandan jahli chiqib, uni tepib yuborgan va buning uchun qizil kartochka olgan.
Futbolchilik faoliyatini yakunlagan Azar o‘tgan hafta Morgan bilan uchrashdi va u bilan golf o‘ynadi.
"O‘sha o‘yindagi bir necha lahzalarni eslayman. Ko‘zimga har doim Xuan Mata ko‘rindi. Esimda, to‘pni uning boshini ustidan tashlaganimdan so‘ng, muxlislar to‘p tashlab beraigan bola haqida kuylay boshlashdi, shuning uchun bu biroz g‘alati edi. Keyin bu voqea sodir bo‘ldi, lekin eng aqldan ozgan narsa shundaki, men kiyinish xonasiga kirgunimcha, meni urgan Mata deb o‘yladim. Bilmadim, lekin keyin bu Azar ekanligini aytishdi.
Men buni mayda narsa bo‘ladi deb o‘yladim, keyin uyga qaytayotganimda o‘yindan qaytgan onamga 20 ga yaqin qo‘ng‘iroq qilishdi. Deyarli bir oy davomida barcha muxbirlar mening uyim tashqarisida, xuddi paparasilar kabi navbatchilik qilayotgandek tuyuldi. Taxminan ikki hafta davomida men super-mashhur bo‘ldim, keyin esa aksincha bo‘ldim" - dedi Morgan.
10 yil oldin Azar "Suonsi" klubining to‘p tashlab beradigan futbolchisiga zarba bergandi. Hozir o‘sha yigit o‘z brendini yaratdi va munosib boylik orttirdi.
