SSKA – “Andijon” (2:0) uchrashuvidan keyin jamoamiz bosh murabbiyi Aleksandr Xomyakov “Andijon” matbuot xizmatiga o‘z taassurotlari bilan o‘rtoqlashdi.

"Shubhasiz, bunday Rossiya bayroqdori bo‘lgan jamoa bilan o‘yin o‘tkazishni o‘zi yoqimli. To‘g‘ri, bu yil sovrindorlar qatorida emas, shunday bo‘lsa-da, bu kabi o‘yinlar bizga tajriba beradi.

Bizga mana shunday o‘yin tashkil qilib berganligi uchun tashkilotchilarga rahmat aytaman. Uchrashuvga to‘xtalsam, kuchli jamoaga qarshi o‘ynadik. o‘yin oson bo‘lmasligini oldindan bilgan edik. Mashg‘ulotlarda ishlangan ba’zi narsalarimizni ko‘rib oldik. Xursand qilgan jihati, ayrim vaziyatlarda koreyaliklarga qarshi o‘yinga nisbatan yaxshi harakat qildik. Bu uchrashuvda yaxshi o‘ynayotganimizni va yana kamchilik taraflarimizni ko‘rib oldik. To‘g‘ri, ba’zi pozisiyalar meni xavotirga solyapti, kuchaytirish lozim. Muammolarni bartaraf qilamiz, deb o‘ylaymiz. Ishlashda davom etamiz.

Yana qaytarib o‘taman: bir nechta pozisiyalarni kuchaytirish kerak. Yigitlarga rahmat, harakat qilishdi. Bunday o‘yinlarda tushkunlikka tushish shart emas. Ikkinchi golni o‘tkazganimiz alamli bo‘ldi. Bunga o‘zimiz sababchimiz, shu vaziyat kartinani buzib qo‘ydi. Hujumda ishlarimiz o‘xshamadi. Golga tortadigan vaziyat yarata olmadik. Koreyaliklar bilan bo‘lgan o‘yinga nisbatan vaziyatlarimiz oz bo‘ldi. Ammo biz ishlashda davom etamiz”, – deya fikr bildirdi, Aleksandr Andreevich.