"Liverpul" bosh murabbiyi Yurgen Klopp "Manchester Siti" bilan raqobat haqida gapirdi. Ayni damda "mersisaydliklar" APL turnir jadvalida peshqadamlik qilishmoqda, “shaharliklar” esa bir o‘yin kam o‘tkazgan holda besh ochko ortda qolmoqda.
"Biz yillar davomida bilib oldikki, agar siz "Manchester Siti"ga yaqin bo‘lishni istasangiz, barcha o‘yinlarda g‘alaba qozonganingiz ma’qul, chunki ular juda yaxshi. Bu yillarda "shaharliklar" hukmronlik qilmoqda. Ehtimol, ular o‘zlarining eng yaxshi mavsumlarini o‘tkazayotganlarini o‘ylamaydilar, lekin ular qayerda ekaniga qarang. Biz juda yaxshi mavsum o‘tkazmoqdamiz, shuning uchun biz ulardan bir necha ochko oldindamiz. Bu juda qiziq", - dedi Klopp matbuot anjumanida.
