Vinisius Junior La Liganing ketma-ket ikkinchi o‘yinini o‘tkazib yuborishi mumkin.

Madridning "Real" klubi vingeri kecha "Atletiko"ga (1:1) qarshi o‘yin oldidan mashg‘ulot paytida jarohat olgan edi. Bosh murabbiy Karlo Anchelotti braziliyalik futbolchining bo‘ynida kontraktura borligini aytdi.

Vinisius bugun mashq qilmadi va fizioterapevtlar bilan ishladi. AS nashri xabariga ko‘ra, klub futbolchining 10 fevral kuni "Jirona"ga qarshi o‘yinga tayyor bo‘lishiga umid qilmoqda, ammo hozircha uning ishtiroki so‘roq ostida. Ko‘p narsa futbolchining keyingi ikki kundagi holatiga bog‘liq bo‘ladi.

Joriy mavsumda 23 yoshli vinger La Ligada 14 ta o‘yinda maydonga tushib, 6 ta gol urdi.