Винисиус Жуниор Ла Лиганинг кетма-кет иккинчи ўйинини ўтказиб юбориши мумкин.
Мадриднинг "Реал" клуби вингери кеча "Атлетико"га (1:1) қарши ўйин олдидан машғулот пайтида жароҳат олган эди. Бош мураббий Карло Анчелотти бразилиялик футболчининг бўйнида контрактура борлигини айтди.
Винисиус бугун машқ қилмади ва физиотерапевтлар билан ишлади. AS нашри хабарига кўра, клуб футболчининг 10 февраль куни "Жирона"га қарши ўйинга тайёр бўлишига умид қилмоқда, аммо ҳозирча унинг иштироки сўроқ остида. Кўп нарса футболчининг кейинги икки кундаги ҳолатига боғлиқ бўлади.
Жорий мавсумда 23 ёшли вингер Ла Лигада 14 та ўйинда майдонга тушиб, 6 та гол урди.
