Braziliyalik hujumchi, hozirda Saudiya Arabistonining “Al-Hilol” klubi futbolchisi Neymar o‘zining tug‘ilgan kuni haqida gapirdi.
5-fevral, dushanba kuni yulduz futbolchi 32 yoshga to‘ldi. “Men tabassum qildim va bir vaqtning o‘zida yig‘ladim ham.
Bu men uchun juda quvonchli kun bo‘ldi. Bayramimni eng yaqin odamlarim davrasida nishonlash aql bovar qilmas tuyg‘u berdi”, - deya ijtimoiy tarmoqlarda xabar qoldirgan braziliyalik futbolchi.
Eslatib o‘tamiz, Neymar o‘tgan yozda Saudiya Arabistoni chempionatiga o‘tgan edi. “Al-Hilol” futbolchini Fransiyaning “PSJ” klubidan 50 million yevro evaziga sotib oldi.
Braziliyalik futbolchi jarohati tufayli hozirda safdan chiqdi.
