"Bavariya"ning hujumkor yarim himoyachisi Leroy Sane joriy mavsum oxirida klubini o‘zgartirish haqida o‘ylamoqda. Bu haqda Sport.es xabar bermoqda.
Manbaga ko‘ra, germaniyalik vinger unga qiziqish bildirayotgan "Barselona"ga o‘tishni istamayapti. Leroy yanada barqaror loyihaning bir qismi bo‘lishni xohlaydi. Saneni "Liverpul" taklifi o‘ziga tortadi.
Germaniyalik vinger avvalroq APLda "Manchester Siti" tarkibida o‘ynagan.
Sane Bundesliganing joriy mavsumida 20 ta o‘yin o‘tkazdi. Uning hisobida 8 ta gol va 11 ta golli uzatma bor.













