"Бавария"нинг ҳужумкор ярим ҳимоячиси Лерой Сане жорий мавсум охирида клубини ўзгартириш ҳақида ўйламоқда. Бу ҳақда Sport.es хабар бермоқда.
Манбага кўра, германиялик вингер унга қизиқиш билдираётган "Барселона"га ўтишни истамаяпти. Лерой янада барқарор лойиҳанинг бир қисми бўлишни хоҳлайди. Санени "Ливерпуль" таклифи ўзига тортади.
Германиялик вингер аввалроқ АПЛда "Манчестер Сити" таркибида ўйнаган.
Сане Бундеслиганинг жорий мавсумида 20 та ўйин ўтказди. Унинг ҳисобида 8 та гол ва 11 та голли узатма бор.