“Yuventus” hamon “Lasio” vingeri Felipe Anderson uchun kurashda peshqadamlik qilmoqda.

Braziliyalik futbolchining Rim klubi bilan shartnomasi mavsum oxirida tugaydi, shu bois futbolchi kelasi yozda erkin agentga aylanadi. Anchadan beri ma’lum bo‘lganidek, "Yuventus" Andersonni sotib olish ustida faol ishlamoqda. Jurnalist Rudi Galettining yangilangan ma’lumotlariga ko‘ra, turinliklar jamoasi va 30 yoshli futbolchining vakillari o‘rtasidagi muzokaralar jadallik bilan ketmoqda.

Qayd etilishicha, Ispaniya La Ligasining kamida ikkita klubi ham “Lasio” hujumi yetakchisiga da’vogarlik qilmoqda, biroq “Yuventus” favorit bo‘lib qolmoqda. "Keksa sinyora" rahbariyati yaqin orada shartnomani yopishga umid qilmoqda.