“Ювентус” ҳамон “Лацио” вингери Фелипе Андерсон учун курашда пешқадамлик қилмоқда.
Бразилиялик футболчининг Рим клуби билан шартномаси мавсум охирида тугайди, шу боис футболчи келаси ёзда эркин агентга айланади. Анчадан бери маълум бўлганидек, "Ювентус" Андерсонни сотиб олиш устида фаол ишламоқда. Журналист Руди Галеттининг янгиланган маълумотларига кўра, туринликлар жамоаси ва 30 ёшли футболчининг вакиллари ўртасидаги музокаралар жадаллик билан кетмоқда.
Қайд этилишича, Испания Ла Лигасининг камида иккита клуби ҳам “Лацио” ҳужуми етакчисига даъвогарлик қилмоқда, бироқ “Ювентус” фаворит бўлиб қолмоқда. "Кекса синьора" раҳбарияти яқин орада шартномани ёпишга умид қилмоқда.
